இன்றைய வாழ்வில் ஒரு சிலர் மட்டும் குடிப்பழக்கத்திற்கு உள்ளாகி அதிலிருந்து மீள முடியாமல் கவலையுடன் வாழ்க்கையை நகர்த்த வேண்டி உள்ளது.அப்படி கவலை படுபவர்களுக்காக மிளகாய் செடி இலை , இலவங்கப்பட்டை , சர்க்கரை சேர்த்து நீரில் வேக வைத்து குடிக்க கொடுத்தால் குடி வெறி, சாராயம் குடிக்கும் எண்ணம் குறையும்.
Saturday, June 4, 2011
Friday, April 29, 2011
சிவனருளால் சிறுநீரகங்களைச் சீராக்கும் சிறுபீளை!
43
சித்த மருத்துவ நிபுணர் அருண்சின்னையா
ரத்தத்தில் உப்பு அதிகரிப்பதைக் குறைக்க...
சிறுநீரக வியாதிகள் தீர...
சிறுநீரகக் கற்கள் கரைய...
வெள்ளைப்படுதல் நீங்க...
உடல் பருமன் குறைய...
ஆண்மைக் குறைபாடு நீங்க...
Saturday, January 15, 2011
வயிற்றுவலியைக் கட்டுப்படுத்தும் அற்புத மூலிகை
சுகாதாரமான வாழ்க்கை, சுத்தமான நீர் என என்னதான் கவனமாக வாழ்க்கை நடத்தி வந்தாலும்கூட, பலவகையான நுண்கிருமிகள் காற்று, நீர், உண்ணும் உணவு மற்றும் உடலிலுள்ள காயங்களின் மூலமாக உடலில் புகுந்துவிடுகின்றன. அடிக்கடி வெளியூர் பயணம் செய்பவர்கள், உணவகங்களில் உணவு உண்பவர்கள், திருமணம் போன்ற விசேஷங்களில் விருந்து உட்கொள்பவர்கள் வயிற்று உபாதைகளுக்கு ஆளாகிறார்கள்.
முதலில் ஏப்பம், வயிறு ஊதல், வயிற்றுப் பொருமல் எனத் தொடங்கும். இது நாள் செல்லச்செல்ல கடும் வயிற்றுவலியை ஏற்படுத்தி, மலம் கழிக்க வேண்டும் என்ற உணர்வை ஏற்படுத்துவதுடன் நாளுக்கு நாள் உணவின் மேல் வெறுப்பு உண்டாகி எதை சாப்பிட்டாலும் வயிறு பாதிக்குமோ என எண்ணத் தோன்றும். சுத்தமான உணவை உட்கொண்டு நுண்கிருமிகள் நீக்கப்பட்ட நீரை அருந்தி வருவதே வயிற்று தொல்லைகளிலிருந்து நம்மை பாதுகாக்கும் வழியாகும். மேலும் நோய் எதிர்ப்பு சக்தி அதிகரிக்கும் பழங்களையும், செரிமானப் பாதையை பலப்படுத்தும் நார்ச்சத்து நிறைந்த கீரை, காய்கறிகளையும் உட்கொள்வதே நல்லது. உணவுப்பாதையில் தோன்றும் நுண்கிருமிகளை நீக்கி, அதனால் தோன்றும் வயிற்றுவலியைக் கட்டுப்படுத்தும் அற்புத மூலிகைதான் நிலக்குமிழ் என்ற குமிழம்.
ஜெம்லினா ஏசியாட்டிகா என்ற தாவரவியல் பெயர் கொண்ட வெர்பினேசியே குடும்பத்தைச் சார்ந்த பெருஞ்செடி வகையான நிலக்குமிழஞ் செடிகள் தோட்டங்களில் அழகுக்காக வளர்க்கப்படுகின்றன. இதன் இலைகளும், வேரும் மருத்துவத்தில் பயன்படுகின்றன. நிலக்குமிழ் இலை மற்றும் வேர்களிலுள்ள பியுரோபியுரான் வகையைச் சார்ந்த லிக்னான்கள் ஈ-கோலி மற்றும் ஸ்டெபிலோகாக்கஸ் வகையைச் சார்ந்த நுண்கிருமிகளை அழிக்கும் ஆற்றல் படைத்தவை என ஆய்வுகள் மூலம் நிரூபிக்கப்பட்டுள்ளன.
நிலக்குமிழ் வேர், சிறுதேக்கு, தேவதாரு, நிலவேம்பு, பப்படப்புல், கொட்டை நீக்கிய கடுக்காய், தோல் நீக்கிய சுக்கு, நார் நீக்கப்பட்ட கோரைக்கிழங்கு, தோல் நீக்கிய வசம்பு ஆகியவை சம பங்கு, பொரித்த பெருங்காயம் கால்பங்கு ஆகியவற்றை எடுத்து உலர்த்தி, ஒன்றிரண்டாக இடித்து வைத்துக்கொள்ள வேண்டும். 35 கிராம் பொடியை 500 மிலி நீரில் போட்டுக் காய்ச்சி, 125 மிலியாக சுண்டிய பின்பு வடிகட்டி, தினமும் ஒரு வேளை சாப்பிட்டுவர மேல் வயிற்றுவலி, நாட்பட்ட இருமலால் தோன்றிய வயிற்றுவலி மற்றும் கிருமியால் தோன்றிய குடற்புண்கள் ஆகியன நீங்கும். உடல் உஷ்ணத்தால் தோன்றும் வயிற்றுவலி நீங்க நிலக்குமிழ் இலைகளை நல்லெண்ணெயில் காய்ச்சி, வடிகட்டி, வாரம் ஒரு முறை தலையில் தேய்த்துக் குளித்துவர உடல் உஷ்ணம் தணியும். இதன் இலைகளை விளக்கெண்ணெய் விட்டு வதக்கி ஒற்றடமிட மூட்டுவலி நீங்கும்.
Sunday, February 14, 2010
முடி வளர உதவும் வைத்திய முறைகள்
- வேப்பிலை ஒரு கைப்பிடி எடுத்து நீரில் வேகவைத்து ஒரு நாள் கழித்து வேகவைத்த நீரை கொண்டு தலை கழுவி வந்தால் முடி கொட்டுவது நின்று விடும்.
- கடுக்காய், தான்றிக்காய், நெல்லிக்காய் பொடிகளை கலந்து இரவில் தண்ணீரில் காய்ச்சி ஊறவைத்து காலையில் எலுமிச்சை பழச்சாறு கலந்து கலக்கி தலையில் தேய்த்து குளித்து வர முடி உதிர்வது நிற்கும்.
- வெந்தயம், குன்றிமணி பொடி செய்து தேங்காய் எண்ணெயில் ஊறவைத்து ஒரு வாரத்திற்கு பின் தினமும் தேய்த்து வந்தால் முடி உதிர்வது நிற்கும்.
- கீழநெல்லி வேரை சுத்தம் செய்து சிறிய துண்டாக நறுக்கி தேங்காய் எண்ணெயில் போட்டு காய்ச்சி தலைக்கு தடவி வந்தால் வழுக்கை மறையும்.
- நெல்லிக்காய் அடிக்கடி உணவில் சேர்த்து வந்தால் இளநரை கருமை நிறத்திற்கு மாறும்.
- ஆலமரத்தின் இளம்பிஞ்சு வேர், செம்பருத்தி பூ இடித்து தூள் செய்து தேங்காய் எண்ணெயில் காய்ச்சி ஊறவைத்து தலைக்கு தேய்த்து வர முடி கருப்பாகும்.
- காய்ந்த நெல்லிக்காயை பவுடராக்கி தேங்காய் எண்ணெயுடன் கலந்து கொதிக்க வைத்து வடிகட்டி தேய்த்துவர முடி கருமையாகும்.
- மரிக்கொழுந்து இலையையும் நிலாவரை இலையையும் சம அளவு எடுத்து அரைத்து தலைக்கு தடவினால் செம்பட்டை முடி நிறம் மாறும்.
- முளைக்கீரை வாரம் ஒருநாள் தொடர்ந்து சாப்பிடவும்.
- கறிவேப்பிலை அரைத்து தேங்காய் எண்ணெயில் கலந்து காய்ச்சி தலையில் தேய்க்கவும்.
- காரட், எலுமிச்சம் பழச்சாறு கலந்து தேங்காய் எண்ணெயில் கலந்து காய்ச்சி தலையில் தேய்க்கவும்.
- நேர்வாளங்கொட்டையை உடைத்து பருப்பை எடுத்து நீர் விட்டு மைய அரைத்து சொட்டை உள்ள இடத்தில் தடவிவர முடிவளரும்.
- நவச்சாரத்தை தேனில் கலந்து தடவினால் திட்டாக முடிகொட்டுதலும் புழுவெட்டும் மறையும்.
Friday, January 15, 2010
போக முனிவரின் - சித்தாதி லேகியம்
பதினெட்டு சித்தர்களில் ஒருவரான போக முனிவர் நோய்களுக்கான விதிமுறைகள் அடங்கிய நூலை மூன்று காண்டங்களாக பாடியுள்ளார். அவற்றின் ஒரு பிரிவுதான் இந்த சித்தாதி லேகியம். இதன் மூலம் குணமாகும் நோய்கள் பாண்டு , சோகை , பெரு வ்யிறு , பீலி , பித்தம் , கிராணி, காமாலை சித்த மருத்துவ முறையின் மூலம் குணமாக்க முடியாத அனைத்திற்கும் நிவாரணம் கிடைக்கும். ஆனால் இவற்றை பயன்படுத்துவதில் சுயநலம் இருக்க கூடாது. பணம் சம்பாதிக்கும் எண்ணமும் இருக்க கூடாது.
இந்த லேகிய தயாரிப்பை எனது பிளாக்கில் எழுதுவதன் நோக்கமே அனைவருக்கும் பயன்பட வேண்டும் என்பதுதான் . ஆனால் லேகியம் பற்றி எழுத ஆர்வமூட்டியவர் Abdul Farook.
- நூறு பலம் கொண்ட எடைக்கு புளிய இலையை எடுத்துக்கொள்ளவும். உலர்ந்த நீர்முள்ளி , கரிசாலை , கீழ்க்காய் நெல்லி, ஆகியவற்றை வகைக்கு பத்து வீதம் எடுத்துக்கொள்ளவும். இவை அனைத்தையும் ஒன்றாகப் போட்டு இடித்துத் தூள் செய்து ஒரு பாத்திரத்தினுள் போடவும்
- பாத்திரத்தினுள் போட்டவுடன் பதினாறு மரக்கால் அளவு தண்ணீரை விட்டு நன்றாக கலக்கவும். துருப்பிடித்த இரும்பைத் தீட்டி அதன் தூளை சேர்த்து காய்ச்சவும். எட்டில் ஒரு பங்காய் ஒன்றாய் சுண்டியதும் வடிகட்டி எடுத்துக்கொள்ளவும்.
- இதனுடன் ஒரு படி நல்லெண்ணெய் , எலுமிச்சை பழச்சாறும் விடவும். பின் வெள்ளாட்டு பால் வகைக்கு ஒரு படியும் ஊற்றவும்.
- அதன் பிறகு ஒரு படி நெல்லிக்காய் சாறு , ஒரு படி முசு முசுக்கை சாறு , பேய்க் குமட்டிச் சாறு , மாதுளையின் சாறு இவற்றுடன் கற்றாழை , பிரமி, இஞ்சிச் சாறு இவற்றையும் கலந்து பொங்கச் செய்யவும்.
- பழைய பனை வெல்லம் பத்து பலம் எடுத்து அதில் கரைத்திடவும். பிறகு மீண்டும் அடுப்பில் ஏற்றி எரிக்கவும்.
- கலவை குழைந்து குழம்புப் பதம் வரும்வரை பார்த்திருக்கும்.பின் திரிகடுகு, திரிபலாதி, கருஞ்சீரகம் , கிராம்பு , ஏலக்காய் , தாளிசை , ஓமம் , மரமஞ்சள் , சிங்கி, அதிமதுரம், சாதிக்காய், மஞ்சி , நாகப்பூ, கடுகரோகணி ஆகியவற்றுடன் விளாவரிசி , காட்டத்திப் பூ , வெட்பாலை , அரிசி, சந்தனம் , அத்தி , திப்பிலி, நெற்பொரி , திப்பிலி மூல்ம் தூதுவளை முட்கா வேளை ஆகியவற்றின் வேர்கள் வகை ஒன்றுக்கு கால் பலம் வீதம் எடுத்துக்கொள்ளவும்.
- எடுத்துக்கொண்ட வேர்கள் அனைத்தையும் இளவறுப் பாய் வறுத்து இடித்து சூரணமாக்கி பாலூடன் கலக்கவும். ஆயிரம் ஆண்டுக்கு முன்பான மிகப் பழமையான திட்டம் நாலூ பலம் வாங்கி சுத்தி செய்து இடித்துப் பொடி செய்து மேல் சொன்னவற்றுடன் கலக்கவும். பிறகு அடுப்பில் ஏற்றிக் காய்ச்சும் போது மெழுகுப் பதம் வரும் வரை கிண்டி விடவும்.
- மெழுகுப் பதமாகி லேகியமாய் இறக்கிக் கொள்ளவும். பிறகு லேகியத்தை முறைப்படி தானியப் புடமிட்டு பத்திரப்படுத்தவும். விநாயகர் அடிபணிந்து நாள் ஒன்றுக்கு காலை , மாலை வேளைகளில் கொட்டைப் பாக்களவு எடுத்து ஒரு மணடலம் அதாவது 48 நாட்கள் சாப்பிட்டு வரவும்.
- குணமாகும் நோய்கள் : பாண்டு , சோகை , பெருவயிறு , பீலி, பித்தம், கிராணி போன்ற அனைத்தும் குணமாகும்.